لماذا يجب أن تضيف الرمان لنظامك الغذائي؟

الرمان من أهم العناصر الموجودة في الطبيعة وهو الفاكهة المفضلة لAtargatis إلهة الخصوبة السورية اللي كانت بتتعبد في الجزء الشمالي من سوريا زمان وكانت بتعتبره رمز الخصوبة، و حتى مكتوب عنه في كتب مقدسة زي سفر الخروج، و الكتابات القديمة في العراق من حوالي 5000 سنة،و حتى في الصين والهند، بجانب أنه مذكور في القرآن 3 مرات، مش حصة تاريخ هي هخش في الموضوع على طول 😀


الرمان مستخدم كمكون في عدد من المكملات زي Hydroxycut Pro Clinical و فيه أدلة على أنه بيحمي من سرطان البروستاتا وبيقلل ضغط الدم، وغني بالنيتريت الموجود في البنجر اللي بردو كتبت عنه.

فيه دراسة في 2011 لقت أن عصير الرمان من أهم مضادات الأكسدة اللي بتقلل الآلام العضلية بعد تمرين الدراع و بتزود الاستشفاء العضلي، الرمان فيه polyphenols و دي مواد مفيدة موجودة بردو في الشاي الأخضر.

الدراسات لقت كمان أن الرمان ممكن يزود الleptin يعني بيقلل الجوع في الدايت، وبيزود الكوليسترول المفيد، وبيحسن حساسية الإنسولين يعني بيساعد عالتخسيس و بيحمي من أمراض زي السكر، الرمان حتى يعتبر مضاد للأكسدة أكتر من الشاي الأخضر!

الجدير بالذكر أن فيه أكتر من 11 دراسة أتعملت على الرمان في 2011 و هتكلم عن الحاجات المهمة والمقنعة بالنسبالي فعلا لأن فيه دراسات عالفيران بس، و فيه دراسات كتير غير اللي هتكلم عنهم بس أتوصلوا لنتائج مكررة مفيهاش جديد.


دراسة 2 عن أن خواصه المضادة للأكسدة بتحمي من مرض الروماتيزم.


دراسة 3 بتقول أن المضمضة بيه بتحمي من الDentical plaque يعني مفيد للأسنان عشان كده فيه شركات بتحطه في منتجاتها!


دراسة 4 بتقول أن الرمان مضاد لتسمم الرصاص.

على فكرة الرصاص هو تاني أعلى المواد سمية بعد الزرنيخ طبقا لتقرير الوكالة الأمريكية للسموم و الأمراض، كل المنتجات المصنعة اللي بناكلها فيها نسب رصاص و فيه حاجات بتزود خطورة تسمم الرصاص زي نقص الحديد عند الأطفال مثلا ( الرمان غني بالحديد )، وبالذات لأن الجهاز الهضمي للأطفال بيمتص الرصاص بنسبة 50% مقارنة بغيرهم 10%.

تسمم الرصاص بالذات مش حاجة قليلة، لأنه ممكن يسبب تلف للدماغ والموضوع يوصل للموت، بردو نقص ڤيتامين C ( الرمان غني بڤيتامين C ) والزنك والكالسيوم من الحاجات اللي بتزود نسبة الخطورة دي.


فيه حتة كده للبنات بالمناسبة 😀 الFDA حذرت من الكحل بتاع العين واعتبرته غير آمن بسبب الرصاص، وفيه دراسات فحصت محتوى الرصاص في الكحل لقت أن معظم المنتجات العربية فيها 88% رصاص.


دراسة 5 عن أنه مضاد لتسمم الكبد.


دراسة 6 بتقول أنه بيحمي من حاجة أسمها متلازمة كرون بسبب حمض الellagic اللي فيه وهو من أهم مضادات الأكسدة الموجودة في الفاكهة والخضار.


دراسة 7 عن أن الرمان بيحمي من تصلب الشرايين.


دراسة 8 لقت أن الرمان مضاد للفايروسات زي HIV-1 وهو النوع الأول من الڤايروسات اللي بتسبب الإيدز، والherpes ( مرض جلدي ) والإنفلونزا وڤيروسات الجدري.


بمناسبة الإنفلونزا فيه دراسة في 2014 كانت بتتكلم عن أن معظم الدكاترة مش بيوصفوا مضادات للڤايروسات بشكل كافي و أنهم بيكتفوا بالمضادات الحيوية، و أن ده مش خطر بس لأنه ملوش لازمة ( إلا في حالة تطور المرض ) لكن كمان خطر لأن الڤايروسات بتتطور أكتر مع الوقت و بتزيد مقاومتها للمضادات الحيوية.

فيه دراسة في 2009 لقت أنه بيساعد على تعزيز تأثيرات الأدوية بتاعت الإنفلونزا كمان!


دراسة 10 عن فاعليته في التحكم في الوزن و نسب الدهون عند مرضى السكر.


دراسة 11 بتقول أنه مضاد للcarcinogenic وهي المواد المسرطنة، و مفيد للApoptosis أو الموت الخلوي المبرمج أو الاستماتة أو الProgrammed cell death و دي مصطلحات أساسية لفهم كيفية تطور الأورام السرطانية والقضاء عليها على المستوى الخلوي و أي حد في طب أو درس Bio عارفها.

الكلام ده معناه أن خلايا جسمك بتنتحر، و دي حاجة كويسة على فكرة لأن ده خط الدفاع الأول لحماية الجسم من الأورام السرطانية بس عشان أشرحها باختصار محتاج مقال لوحده عالأقل 😀


بس كده؟ لا فيه دراسة تانية في 2016 😀

الدراسة دي لقت أن عصير الرمان بيسرع الRecovery و بيحسن الأداء الرياضي و زيادة الأوزان وبيقلل الDOMS الRPE والLDH وإنزيم AST في الكبد

  • -الDOMS أو الDelayed Onset Muscle Sorness و هي حالة الألم العضلي اللي بتكون شديدة عند المبتدئين أو اللي بيبطلوا تمرين فترة و يرجعوا تاني أو لما تغير التمرين، و دي بتأثر على كفاءة التمرين والRecovery بمعنى انها لما تقل تبقى دي حاجة كويسة، فيه بردو دراسات عن أن الكارديو لمدة 20 دقيقة بعد تمرين الحديد فعال لعلاج الDOMS و سبب الحالة دي مجهول بس فيه آراء عن أن بتحصل Microscopic Tears أو تمزق للألياف العضلية هو اللي بيسبب الألم ده وهي حالة مختلفة ملهاش علاقة بالإجهاد العضلي المرتبط بحمض اللاكتيك عشان كده ده مصطلح لوحده.

  • الRPE أو الRating of perceived exertion scale من أفضل المؤشرات لزيادة الVolume بمعنى انه بيقيس صعوبة التمرين، وفيه دراسات كتير جدا أستعملته كمقياس زي مثلا دراسة كتبت عنها قبل كده في مقال عن فوائد الفلفل و أنه بيحسن الأداء الرياضي.

  • أهم العلامات المميزة لسرطان الخصية اللي بتظهر في تحاليل الدم هي aFP ، BHCG ، LDH ولو هنتكلم عن اللاكتات ديهايدروجينيز ( أو خلينا نسميه LDH أحسن 😀 ) فهو موجود في السائل التاموري Pericardial Fluid و ده من السوائل المهمة في جسم الإنسان من غير ما نخش في تفاصيل يعني، زيادة السائل ده عن اللازم بتبقى خطيرة و ممكن تسبب Pericardial effussion و دي من أمراض القلب و Cardiac tamponade و ده مرض بيأثر على قدرة القلب على ضخ الدم و الحالة دي بتحصل كمان في حالة أن حد يعمل حادثة عربية أو ممكن بردو تحصل في حالة مرض السل أو الTuberculosis وهو مرض أكتر المعرضين للإصابة بيه هما اللي عندهم HIV أو إيدز واللي عندهم إدمان كحول أو سجاير أو مخدرات أو عن طريق العدوى و في الدول اللي بينتشر فيها زي دول آسيا والمكسيك وجنوب أفريقيا، وبتظهر كأعراض جانبية عند اللي بياخدوا أدوية روماتيزم أو صدفية أو متلازمة كرون ( أيوة اللي لسة جايب دراسة عن أن الرمان بيحمي منها 😀 ) ومرضى السكر أو الكلى، واللي عملوا زراعة أعضاء قبل كده، ومرضى السرطان اللي بياخدوا علاج كيماوي. فلما الLDH يقل تبقى دي حاجة كويسة طبعا 😀

  • إنزيمات الكبد عبارة عن خمائر الكبد و ناقلات الأمين AST و ALT و دي حاجات لما تزيد بتبقى مشكلة خطيرة و نقص ڤيتامين B1 بيسبب الحالة دي بردو لأنه بيسبب Wernicke و Korsakoff syndrome و دي كلها حاجات بتحصل نتيجة إدمان الكحول وأمراض زي الإيدز و عشان اتكلم باختصار عن كل ده عايز مقالات كتير فخلينا نقول أن إنزيم AST لما يقل تبقى دي كمان حاجة كويسة وأنه من أهم مؤشرات الكشف عن تسمم الكبد 😀


-لقوا كمان أنه بيقلل الcreatine kinase بنسبة 15% بس الموضوع ده ميهمناش أوي يعني و ميعتبرش مؤشر للRecovery زي مانا قلت قبل كده في أول
مقال في سلسلة ازاي تقرا الدراسات والأبحاث.


الرمان ممكن حتى يكون اهم من مكملات زي الأرجنين، و فيه دراسة لقت أن وجود الرمان مع البنجر و مكملات الكرياتين والبيتا الانين والكافيين و BCAA في الدايت بيوصل لنتيجة كويسة جدا في زيادة القوة والحجم العضلي والتخسيس ( لكن الدراسة دي كانت في 2013 و في 2017 ظهرت أدلة على أن الBCAA ملوش لازمة زي مانا قلت قبل كده ).


من الحاجات اللي بيتكون منها الرمان فيه Anthocyanin و دي ثبتت فاعليتها في الحماية من أمراض القلب ( موجودة في الجزر والذرة والتوت والبطيخ على فكرة ).هقولك على سر بقى 😀 البطيخ لما تيجي تشتريه ممكن تتأكد أن اللب أحمر عن طريق ملاحظة وجود بقعة واحدة مواجهة للأرض و كل ما البقعة دي بقى لونها أصفر أكتر كل ما زاد احمرار البطيخة من جوا غالبا لأن ده بيدل على أن البطيخة بتخسر صبغة الكلوروفيل فبتحصل زيادة للكاروتين والAnthocyanin


موضوع كتابة مقال واحد عشان اتكلم عن فوائد الرمان و أحلل مكوناته و أربط الكلام ده بمعلومات تانية مش ممكن يحصل بس ده كده شوية كلام بسيط عن الموضوع.

  • References:
  • 1. Journal Strength Conditioning Research, published online June 8, 2011
  • 2. Viladomiu M, et al. Preventive and Prophylactic Mechanisms of Action of Pomegranate Bioactive Constituents. Compl Alt Med. 2013. Article ID 789764.
  • 3. Ammar, Achraf, et al. “Pomegranate Supplementation Accelerates Recovery of Muscle Damage and Soreness and Inflammatory Markers after a Weightlifting Training Session.” PloS one 11.10 (2016): e0160305.
  • 4. Machin, Daniel R., et al. “Effects of differing dosages of pomegranate juice supplementation after eccentric exercise.” Physiology Journal 2014 (2014).
  • 5. Trombold, Justin R., et al. “Ellagitannin consumption improves strength recovery 2–3 d after eccentric exercise.” Med Sci Sports Exerc 42.3 (2010): 493-8.
  • 6. Trombold, Justin R., et al. “The effect of pomegranate juice supplementation on strength and soreness after eccentric exercise.” The Journal of Strength & Conditioning Research 25.7 (2011): 1782-1788.
  • 7. Effect of Aerobic Recovery Intensity on Delayed-Onset Muscle Soreness and Strength
  • Tufano, James J.; Brown, Lee E.; Coburn, Jared W.; Tsang, Kavin K.W.; Cazas, Vanessa L.; LaPorta, Joe W. Journal of Strength & Conditioning Research: October 2012 – Volume 26 – Issue 10 – p 2777–2782
  • doi: 10.1519/JSC.0b013e3182651c06
  • 8. Asier Marzo et al. TinyLev: A multi-emitter single-axis acoustic levitator, Review of Scientific Instruments (2017). DOI: 10.1063/1.4989995
  • 9. Guyton Textbook of Medical Physiology 11th ed.
  • 10. Published online ahead of print, doi: 10.1002/jsfa.7647 “The effect of pomegranate juice on clinical signs, matrix metalloproteinases and antioxidant status in patients with knee osteoarthritis”​ N. Ghoochani et al.
  • 11. Effects of pomegranate juice on blood pressure: A systematic review and meta-analysis of randomized controlled trials” Amirhossein Sahebkar, et al
  • 12. “Effects of Pomegranate Chemical Constituents/Intestinal Microbial Metabolites on CYP1B1 in 22Rv1 Prostate Cancer Cells” S.G. Kasimsetty, D. Bialonska, M.K. Reddy, C. Thornton, K.L. Willett, D. Ferreira
  • 13. Viuda-Martos, M., Fernandez-Lopez J, and Perez-Alvarez JA. Pomegranate and its Many Functional Components as Related to Human Health: a review. Compr Rev Food Sci Food Saf. 2010 nov; 9(6): 635-654.
  • 14. Jurenka JS. Therapeutic applications of pomegranate (Punica granatum L.): a review. Altern Med Rev. 2008 Jun;13(2):128-44.
  • 15. Wildman REC, Jalili T, Bruno R. Nutrition composition and antioxidant measure (ORAC) of unripe vs ripe pomegranate (Punica granatum) juice and pomace. Exp Biol, 2011 Apr, Washington DC.
  • 16. Hertzler S. Nitrate supplementation for cardiovascular health and exercise performance. SCAN’s Pulse. 2012; 31(4): 7-11.
  • 17. Hord NG, Tang Y, Bryan NS. Food sources of nitrates and nitrites: the physiologic context for potential health benefits. Am J Clin Nutr. 2009 Jul; 90(1): 1-10.
  • 18. Stowe CB. The effects of pomegranate juice consumption on blood pressure and cardiovascular health. Complement Ther Clin Pract. 2011 May; 17(2): 113-5.
  • 19. Bookheimer SY, Renner BA, Ekstrom A, Li Z, Henning SM, Brown JA, Jones M, Moody T, Small GW. Pomegranate juice augments memory and FMRI activity in middle-aged and older adults with mild memory complaints. Evid Based Complement Alternat Med. Epub 2013 Jul 22.
  • 20. Ghosh D, Scheepens A. Vascular action of polyphenols. Mol Nutr Food Res. 2009 Mar; 53(3): 322-31.
  • 21. Aviram M, Dornfeld L. Pomegranate juice consumption inhibits serum angiotensin converting enzyme activity and reduces systolic blood pressure. Atherosclerosis. 2001 Sep; 158(1): 195-8.
  • 22. Basu A, Penugonda K. Pomegranate juice: a heart-healthy fruit juice. Nutr Rev. 2009 Jan; 67(1):49-56.
  • 23. Trombold JR, Barnes JN, Critchley L, Coyle EF. Ellagitannin consumption improves strength recovery 2-3 d after eccentric exercise. Med Sci Sports Exerc. 2010 Mar; 42(3): 493-8.
  • 24. Trombold JR, Barnes JN, Critchley L, Coyle EF. Ellagitannin consumption improves strength recovery 2-3 d after eccentric exercise. Med Sci Sports Exerc. 2010 Mar; 42(3): 493-8.
شوف برضو
أفضل مشروب طبيعي و نوع خبز للتخسيس وبناء العضلات