القهوة بعد التمرين

ليه احنا بنشرب قهوة قبل التمرين مش بعده؟


الحقيقة المعروفة عند كل الناس هي أن القهوة ومكملات الكافيين بتدي باور قبل التمرين، و كل حوارق الدهون زي ليبو 6 و Super HD و هيدروكسي كت و أنيمال كتس فيها كافيين لأنه بيساعد على استخدام الجلوكوز والدهون كمصادر طاقة في التمرين وبيحسن الجهاز العصبي المركزي والدورة الدموية وبيزود الأكسچين في الجسم.كل ده صح، بس مبدئيا فيه نظرية بتقول أن الكافيين بعد التمرين مفيد لمخازن الجليكوچين ( السكر ) في الجسم فبيساعد على الRecovery أو أن العضلة تبني نفسها.

وجود الجليكوچين أساسي عشان الجسم ميستهلكش بروتين العضلات ( ڤيتامين A بيدخل في تكوينه والنقص فيه ممكن يعمل مشكلة بس ده مش موضوعنا دلوقتي ).

  • فيه دراسة -من ضمن دراسات كتير- اتعملت في 2008 جابوا فيها مجموعة بتاكل كربوهيدرات بعد التمرين ومجموعة تانية بتاكل كربوهيدرات وبتاخد كافيين ولاحظوا زيادة أكبر في مخازن الجليكوچين عند مجموعة الكافيين من غير أي تأثيرات سلبية!
  • فيه دراسة بتقول أن شرب القهوة بعد التمرين بيعالج الإجهاد بنسبة كبيرة.

ليه أحنا مش بنشرب قهوة بعد التمرين؟ ممكن تكون الإجابة أن أغلبنا مكانش عنده فكرة عن أهمية حاجة زي كده وأنها بتزود الجليكوچين بنسبة 30% مثلا، دلوقتي بعد ما عرفت أيه اللي مانعك أنك تجرب؟

شوف برضو
كيف تستفيد من جهاز السميث في برنامجك التدريبي؟