أفضل مشروب طبيعي و نوع خبز للتخسيس وبناء العضلات

دراسات كتيرة جدا قالت أن البنجر بيساعد على النوم و تحسين حساسية الإنسولين و بيحسن صحة الوعاء الدموي، و بيساعد كمان على توسيعه و بروزه بجانب أن فيه ڤيتامين C اللي ليه دور كبير في بناء الكولاچين.


البنجر بيزود قوة التحمل العضلي و توصيل الأكسچين للعضلات والتحكم في ضغط الدم، بس عايز أتكلم عن دراسة لقت أن البنجر بيقلل الإجهاد العضلي بنسبة كبيرة وبيزود الRecovery و بيساعد على علاج الإصابات

التمرين اللي اتعملت عليه الدراسة كان أسمه drop jumps واتعمل منه 100 عدة:

بالمناسبة البنجر والبسلة والجزر والبطاطا مفيدين أكتر للناس اللي هدفها تزيد في الوزن و فيهم كالوريز أكتر من الخضار اللي مليان مياه أو بيشبع زي الخيار والبروكلي والكوسة والفاصوليا الخضراء والحاجات اللي اتكلمت عن ان ممكن تاخد منها بكميات مفتوحة حتى مع الPSMF.

عشان كده أنا بنصح بشرب عصير البنجر قبل التمرين.

أفضل نوع عيش للتخسيس وبناء العضلات

العيش البني اتعملت عليه دراسة أثبتت أنه بيشبع بنسبة 57% أعلى من الأبيض.

لكن هل ممكن يبقى فيه مصدر للكارب أحسن منهم و يبقى عيش بردو؟

من أغرب وصفات الطبخ هي وصفة أنا شفتها اسمها “خبز البنجر”.. الفكرة ممكن تكون غريبة شوية لكن هل ده مفيد للدايت ولا مجرد ” أفتكاسة” زي معظم الافتكاسات بتاعت قناة CBC سفرة؟

فيه دراسة جابوا فيها 23 متطوع و قسموهم لمجموعة بتاكل 100 جرام من العيش ده (1.1 mmol nitrate) و مجموعة تانية بتاكل 200 جرام عيش أبيض CB; 0 g beetroot, 0.01 mmol nitrate)

العلماء لاحظوا في مجموعة البنجر زيادة في تمدد وبروز الأوعية الدموية Vasodilation.

بجانب أنه قلل ضغط الدم الأنقباضي (systolic blood pressure) فوصلوا أنه مفيد جدا للحماية من أمراض القلب (cardioprotective) و فيه وجهات نظر بتقول أنه بيقلل ضغط الدم في حالة استهلاكه في صورة عصير أو عيش.

لكن أيه اللي ممكن تستفيده من كل ده؟

  • -حزام الضهر بيزود ضغط الدم بصورة كبيرة للناس اللي بتلبسه فاختيار الأكل في الدايت مهم جدا من الناحية دي-ضغط الدم العالي بيزود تفكك الأرجنين، و دي مش حاجة كويسة.
  • زيادة هرمون الكورتيزول بتزود ضغط الدم لأنه مرتبط بزيادة القوة والحجم العضلي، و بيزيد بالتمرين وقت طويل.-التحكم في ضغط الدم مهم جدا لتنظيم النوم.

وبالمناسبة الدراسات أثبتت أن الواي والكاسين بروتين أو بروتين اللبن عمومًا مفيد لتقليل ضغط الدم عشان كده بعتبره من أهم الحاجات اللي المفروض تبقى في الدايت بردو و كنت كاتب مقال عنهم قبل كده.

شوف برضو
هل تمرين الرفرفة الأمامي فعال لعزل الكتف الأمامي؟