المكملات الغذائية
··المقال ده هياخد منك 15 دقيقة قراءة

عن الكاسين والواي بروتين ومنتجات الألبان

-ايه الأحسن الواي، ولا الكاسين بروتين، ولا Milk protein concentrate ؟ و ايه احسن وقت ليهم؟

-ايه مدى فاعلية نصيحة الجبنة القريش قبل النوم لبناء العضلات؟

-هل فيه افضل من المياه لتقليل الجوع في الدايت؟

-ليه انا شايف Hydroxycut Platinum كويس كمالتي ڤيتامين؟

-ليه صفار البيض مهم للدايت؟

-اللبن السايب احسن ولا المعلب؟

-ايه هي حساسية اللاكتوز و حلها؟


اللبن عبارة عن 80% كاسين بروتين و 20% واي بروتين، و غني بحمض اميني ضروري اسمه Tryptophan بيفرز هرمون عصبي اسمه ميلاتونين وهو هرمون بيتحكم في تنظيم الإيقاع الحيوي للجسم و ضغط الدم والساعة البيولوچية ( تنظيم أوقات النوم ) و الحفاظ على الذاكرة و تحسين المزاج و ليه استخدامات في علاج بعض الأمراض، وهو من ضمن ال9 احماض امينية الأساسية.


كمان الكبد ممكن يصنع النياسين ( ڤيتامين B3 ) من الTryptophan وكنت اتكلمت عن أهمية النياسين قبل كده بردو.


فيه كمان دراسة بتقول ان الحامل اللي عندها نسبة ڤيتامين B3 عالية بتبقى نسبة إصابة الطفل بأمراض زي الاكزيما أقل بنسبة 30% من الحامل اللي نسبة الڤيتامين ده قليلة عندها.الTryptophan بيدخل في تركيب السيروتونين ( ناقل عصبي بيخفف الالم و بيحسن المزاج ).

كمان حمض الTryptophan قوي جدا لدرجة أن فيه ميزات إيجابية من ناحية نقل الإلكترونات، و العلماء بيطوروا بيه بكتيريا معدلة چينيا لاستخدامه في حاجات كتير من ضمنها مراقبة الملوثات والمواد الكيميائية السامة.اللبن كمان فيه الجلوتامين اللي بيعتبر من مصادر الطاقة في الخلايا وتصنيع البروتين في الجسم و دعم و تنظيم المناعة و الدم.

كمان فيه ڤيتامين D اللي الجسم بيحتاجه لإنتاج السيروتونين، بجانب ڤيتامينات ومعادن كتير ضرورية للحياة و مش محتاج اتكلم عنهم لأني اتكلمت عنهم كتير في مقالات تانية.


لتر اللبن فيه حوالي 30 جرام بروتين و 50 جرام كربوهيدرات، و فيه دراسة أثبتت أن اللبن بيقلل الشهية اكتر من الكولا و المياه.


اللبن مصدر لعنصر مهم جدا هو الكولين و ده ناقص في دايت ناس كتير و موجود بردو في صفار البيض ( اللي ناس كتير بترميه معرفش ليه، بجانب ان فيه دراسة لقت ان البيض واللبن -أو الواي بروتين- لما يبقوا موجودين في نفس الدايت بتبقى الفايدة اكبر ) و الكولين موجود كمان في Hydroxycut Platinum ( بجانب انه كويس جدا كمالتي ڤيتامين في رايي لانه فيه معظم الڤيتامينات والمعادن المفيدة والحاجات اللي بنصح بانها تبقى موجودة في الدايت زي الكافيين والحمضيات ).. الكولين مهم للحفاظ على بنية الغشاء الخلوي، وتقليل الالتهابات وبيحسن جودة النوم والذاكرة وطبعًا مصدر للكالسيوم، و ده اتكلمت عنه قبل كده.


اللبن المعلب احسن من السايب رغم ان السايب قيمته الغذائية اعلى لكن الدراسات أثبتت انه مش آمن و ممكن يسبب تسمم، وكمان اكتر ناس عرضة للخطر منه هما الأطفال و كبار السن والحوامل واللي عندهم سرطان او إيدز و حتى الناس اللي صحتهم كويسة ممكن يتاذوا من البكتيريا المضرة اللي في اللبن السايب، و فيه متلازمات اللبن السايب مرتبط بيها زي Guillain-Barré syndrome مرتبطة بالشلل و متلازمة اسمها Hemolytic-uremic syndrome ليها علاقة بالسكتة الدماغية والفشل الكلوي.


فيه اسطورة بتقول ان مكملات الاحماض الامينية والBCAA مهمة لبناء العضلات، رغم ان الدراسات لقت ان اللي بياخدوا الBCAA من اللبن او الواي بروتين بيستفيدوا اكتر من اللي بيستعملوا الاحماض دي في صورتها الحرة، كمان فيه دراسة اثبتت قريب ان مكملات الأحماض الامينية ملهاش اي تأثير على بناء العضلات اصلا.


-الواي بروتين فيه beta-lactoglobulin و lactoferrin وحاجات كتير و دي بتساعد على علاج الآلام العضلية والحماية من الإصابات.-الb-lactoglobulin مفيد للretinol ( من اسماء ڤيتامين A ) و ممكن يحسن امتصاص الدهون اللي هي ضرورية جدا للحياة واتكلمت عنها قبل كده.


-الواي فيه a-lactoalbumin و ده ليه تطبيقات عملية في استخدامه لقتل الاورام الخبيثة، و مضاد للبكتيريا و مفيد للجهاز التنفسي.-الlactoferrin كمان بينظم امتصاص الحديد وبيمنع تطور انواع من البكتيريا في الجسم، و بينظم المناعة في الجسم و يحسن استجابتها.

شوف برضو

-الserum albumin كمان بتنظم العصارات الهاضمة اللي بتساعد على هضم الدهون.-الimmuno-globulin G و immuno-globulin Mو دول بيمنعوا البكتيريا من انها تلزق في الانسجة، و بيمنعوا السموم اللي بتنتجها الڤايروسات والبكتيريا من انها تضر الجسم.

-الimmuno-globulin A بيمنع نمو البكتيريا و بيمنعها من انها تلزق في الmucosa ( الغشاء المخاطي ) و بردو بيمنع السموم والبكتيريا من الإضرار بالجسم.

-الlactoperoxidase بتحفز إنتاج أيون الcyanogen و ده مرتبط بزيادة إبادة الجراثيم في الجسم.
و حاجات كتير مفيدة للصحة عموما قبل ما تكون مفيدة للتخسيس و بناء العضلات.


الدراسات لقت أن تأثير الMilk protein concentrate ( عبارة عن مزيج من الواي والكاسين ) والواي بروتين والكاسين بروتين واحد على بناء العضلات و أن مفيش فرق ( لاحظ ان اهمية سرعة الامتصاص اللي بيوفرها الواي بروتين اسطورة ) و ميزة الميلك بروتين أن سعره رخيص مقارنة باسعار كل المكملات تقريبا يعني الكيلو بيبقى سعره 185 جنيه.


معظم الناس اللي بتقول ان الجبنة القريش ( مصدر للكاسين ) مفيدة قبل النوم، مش بيحددوا كمية معينة او بيقولوا كمية اقل من اللي الدراسات بتنصح بيها أصلا.. الدراسات لقت أن 40 جرام كاسين بروتين عالأقل قبل النوم بيبقى تأثيره إيجابي على زيادة الكتلة العضلية، يعني حوالي 400 جرام جبنة قريش!

ده بردو سبب اني بنصح بمكمل الكاسين او الMilk protein concentrate قبل النوم.


فيه ناس كتير عندها حساسية من اللاكتوز ( سكر اللبن ) لأن جسمهم مبيقدرش ينتج الLactase أو الأنزيم المسئول عن هضم اللبن بكمية كافية.حلول المشكلة دي هي اللبن الخالي من اللاكتوز، او الواي بروتين لأن فيه شركات كتير بتضيفله إنزيم الLactase، أو لو الخام ممكن تجرب الواي بروتين آيزوليت.

حل تاني هو إضافة البروبيوتكس ( الزبادي مثلا ) و فيه بالمناسبة دراسة لقت ان الستات اللي عندهم بروبيوتيك في الدايت ( البكتيريا المفيدة الموجودة في اللبن والزبادي و موجودة بردو في Hydroxycut Platinum ) بيخسوا أكتر من غيرهم. و فيه طرق كتير لعمل الكيك والآيس كريم بالواي أو الميلك بروتين.

تابعنا على مواقع التواصل الاجتماعي