حرق الدهون بالنيكوتين

ايه علاقة النيكوتين بحرق الدهون؟


الموضوع ده كنت ناوي اكتب عنه من زمان، و بدأت في المقال لما لفت انتباهي حد في الجروب بتاعنا سأل عن ان ازاي يبطل سجاير عشان متتأثرش الزيادة العضلية عنده، والمعلومات اللي هنا للعلم مش اكتر فمش بنصح حد ينفذها من غير متابعة مع مدرب بيفهم أو دكتور.


مبدئيًا الأضرار الصحية للتدخين معروفة و مفيش حد يقدر ينكرها، لكن لازم بردو الناس تعرف المعلومة كاملة، هل تقدر تعمل فورمة وانت مدخن؟ الإجابة هي ايوة، و الصورة المحطوطة دي صورة نتيجة قديمة لمتدرب كان معايا و كان بيدخن في خلال فترة المتابعة و عمل نتيجة فيها تقدم كبير (منزلها في صفحة التدريب الأونلاين عالموقع) و ده الدليل العملي للإجابة رغم اضرار التدخين اللي من ضمنها قصر النفس (اللي بيبطلوا تدخين بيرجع النفس عندهم لحالته الطبيعية تدريجيًا بعد فترة ما بين أسبوع ل3 اسابيع).


دايمًا لما بنجيب سيرة النيكوتين بنلاقي أول حاجة جت في بال الناس هي السجاير، لكن الحقيقة هي أن فكرة انك تاخد النيكوتين المعزول في حد ذاته مختلفة عن الحصول على النيكوتين من السجاير اللي فيها مئات أو آلاف المواد التانية المضرة للصحة.


النيكوتين اتعمل عليه دراسات و تجارب و لقوا أن لما تاخد 100 جرام كافيين مع 1 جرام نيكوتين (الجرعة الفعالة واللي مش هتسبب إدمان لأن الدراسات لقت ان فيه ناس بيحصلها مشاكل لو الجرعة وصلت ل2 جرام) بيزيد الحرق بنسبة معينة و بيسد الشهية لمدة بتوصل لساعتين فبيساعد في الدايت، و ده كلام محتاج نناقشه بتفصيل اكتر بردو.
مبدئيًا عشان نصنف النيكوتين هنقول أن فيه نوع من العقاقير اسمه Nootropics او بيسموها بالعربي “محفزات الإدراك” و من ضمنها النيكوتين والكافيين وال5-HTP والAshwagandha والGinkgo Bilbo و Glucophage والterbutaline و أوميجا 3 والكلينبترول، وانا كتبت عن معظم الحاجات دي واللي هتكلم عنهم النهاردة هما النيكوتين والكلينبترول و Glucophage و terbutaline.

الكلينبترول Clenbuterol لو هنتكلم عن تصنيفه في الأدوية فهو الBeta 2 Agonists وهو من اشهر الأدوية و أكترها فاعلية لحرق الدهون (مع الدايت طبعًا) وهو في الأساس موسع للشعب الهوائية استخدامه الأساسي هو علاج بعض الأمراض زي الربو asthma (وهو مرض اسبابه مختلفة منها الPolyaromatic Hydrocarbons الموجودة في السجاير واللي بتسبب ربو عند الأطفال لما الأم تبقى مدخنة في فترة الحمل) بجانب انه بيحفز الجهاز العصبي و يزود ضغط الدم و ضربات القلب و حرق الدهون لكن اعراضه الجانبية اللي بيعاني منها بعض الناس (مش كلهم) عند جرعات معينة بتبقى قلق و توتر و أرق و رعشة و تشنجات و دوخة و صداع و زيادة في العرق بسبب زيادة حرارة الجسم و ألم في الصدر بجانب زيادة ضربات القلب زي ما قولت.


ملاحظات عن الكلين:


-فيه معلومة غلط منتشرة عن ان الكلينبترول بيعمل Down regulation لل Beta Receptors.. معنى الكلام الغريب ده ان المعلومة الغلط بتقول ان الجسم بيتعود عالكلين بعد اسبوعين و ان لازم يتاخد راحة منه أو يتاخد معاه Ketotifen والكلام ده كان مصدره دراسة اتعملت على فيران.


-ابعده عن مواعيد نومك و يُفضل تاخده الصبح عشان مشكلة الأرق.


-مينفعش تاخده على فترات طويلة لأنه مضر للقلب على المدى البعيد، لأن كل الادوية حتى الاسبرين مضرة بكميات معينة ولما تتاخد لمدة طويلة.


-الكلين له خواص مضادة للهدم فبيبقى مفيد في الPCT أو فترة الPost cycle therapy (للناس اللي بتاخد منشطات) أو بمعنى تاني التنضيف ما بعد الكورسات الستيرويدية واللي بتبقى مرحلة ضرورية بسبب ان الهرمونات بعد دخول هرمون تستستيرون خارجى بتوقف الإنتاج و كمان و بيحصل aromatisation وهى عملية تحول التستستيرون لاستروجين و دى مشكلة كبيرة جدًا من أهم اعراضها التثدي و زيادة الدهون وتراكمها فى مناطق معينة، دي نبذة مختصرة مش أكتر 😀


-محدش يسمع كلام كابتن جيم او حد على منتدى اجنبي يكتب انه بياخد 300+ مكجم كلين مثلًا و بيستفيد و محصلوش حاجة لأن اللي بيقول كده بيبقى استثناء لشخص فضل عايش بعد التجربة دي، لكن فيه ناس بتموت فعلًا و ده بالظبط عامل زي اللي بياخدوا جرعات استيرويدز عجيبة زي Andreas Munzer اللي مات و كانت السيكل بتاعته فيها 500 ملجم تستستيرون في اليوم يعني 3.5 جرام في الأسبوع!


فيه مثلًا بردو Aziz Shavershian اللي كان عنده تاريخ عائلي في مشاكل القلب و مات وهو عنده 22 سنة رغم انه كان بياخد 120 مكجم كلين، عشان كده انا بنصح غالبًا بأن الجرعة تبقى 100-120 بالكتير و مش لأي حد بردو.


-ابدأ بجرعة 20 مكجم و زود تدريجيا بمرور الأيام ل40 و 60 وهكذا لحد ما تبدأ تحس بوجود اعراض جانبية متزودش عن كده، و اقصى جرعة في رأيي هي 120 مكجم و مفيش جرعة محددة لكل شخص يعني الموضوع بييجي بالتجربة.


-الرعشة والتشنجات والتقلصات والشد العضلي (اللي بيظهروا عند بعض الناس مش كلهم) بيقلوا مع الوقت و ممكن تتعامل معاهم بأخد مكمل Taurine و زيادة كمية الماغنسيوم من المكملات (زي Osteocare و ماغنسيوم بلس الموجودين في الصيدليات) او زيادة كمية الاكل الغني بالماغنسيوم زي الDark chocolate (اتكلمت عنها هنا ).

بالمناسبة الTaurine هو حمض أميني و فيه دراسات لقت أن أخد التورين مع الكافيين ممكن يساعد على تحسين الأداء الرياضي و تقليل الMuscle damage.
مشروبات الطاقة زي Red Bull بيبقى فيها كمية Taurine كبيرة، عشان كده بخلي بعض المتدربين في العادي يشربوا Sugar Free Red Bull ( الواحدة فيها 1000 ملليجرام Taurine و بتبقى 3 كالوري بس ).
فيه أدلة على أن للتورين فوائد صحية كتير و انه بيحمي من أمراض القلب عند مستويات الكوليسترول العالية و امراض زي الHyperlipidemia (اتكلمت عن المرض ده في مقال قديم لما قولت أن الCapsaicin بيحمي منه بردو ).


السؤال هنا، هل فيه طرق افضل من استخدام الكلين للتخسيس؟ الإجابة هي ايوة لكن عشان اشرحها هحتاج اتكلم عن حاجتين.


الGlucophage أو الMetformin (اسم تاني معروف بيه) من أدوية التخسيس الفعالة واللي مفيش ضرر منها على عكس الكلينبترول، لكن استخدامه بيكون مع شروط و حالات معينة.
الجلوكوفاج بيتم استعماله كعلاج للعقم عند الستات اللي عندهم PCOS بسبب مقاومة الإنسولين ( كنت كاتب في مقال الPSMF عن انسب دايت مع المرض ده ) وهو من أدوية التخسيس اللي بيتم استخدامها لتقليل امتصاص الجلوكوز في الأمعاء و زيادة استعماله في العضلات، كمان فيه دراسة لقت انه آمن للأطفال و مفيش منه ضرر على عكس الكلينبترول.


الجرعة 500 ملليجرام قبل كل وجبة بنص ساعة (أو على حسب النشرة اللي مع الدوا).


ملاحظات:

-لازم تزود كمية ڤيتامين B12 في الدايت (بالمالتي ڤيتامين مثلًا) لأن الجلوكوفاج بيقلل من امتصاصه.


-مش بخلي المتدربين ياخدوه بشكل منتظم ولا بنصح بيه للشخص السليم اصلًا، بنصح بيه في حالات ممانعة الإنسولين أو مرض السكر أو PCOS.
رغم ان فيه بعض الأدلة بتقول انه ممكن يساعد في تحسين الأداء الرياضي بس الديزاين بتاع الدراسات دي مش دقيق و معظمها تجارب اتعملت على فيران، والسبب الأساسي لأني منصحش بيه هو ان فيه رياضيين جالهم إغماءات في التمرين بسبب الجلوكوفاج فبلاش منه أحسن 😀 لكن هتكلم بردو كمان شوية عن نظريتي على طريقة استخدامه مع الرياضيين.


تاني حاجة عايز اتكلم عنها عن التريبتولين (بخاخ للربو) وهو Beta 2 Agonist زي الكلينبترول بالظبط.


فيه دراسة اتعملت في 2017 لقوا فيها أن اللي خدوا منه 8 جرعات يوميًا (0.5 ملجم في المرة) قلت الدهون عندهم 1 كجم في شهر و زادت كتلتهم العضلية 1 كجم حتى من غير تمرين!


مشكلة التريبتولين انه مش واخد حقه في الشهرة بالنسبة للكلينبترول، رغم ان الأدلة بتقول انه بيجيب نتيجة أكبر و كمان أفضل من الكلينبترول في الPCT لأن الكلين ملوش تأثير واضح على زيادة الكتلة العضلية.


نيجي بقى للموضوع الأساسي في المقال، النيكوتين -وهو المادة الأساسية المسببة لإدمان السجاير- موجود في الطماطم والبتنجان والبطاطا، لكن طبعًا بكميات ضئيلة يعني عشان تاخد كمية النيكوتين الموجودة في سيجارة واحدة هتحتاج تاكل 10 كيلو بتنجان و دي نفس فكرة الكرياتين و أنك محتاج كذا كيلو لحمة أو كيلو فراخ في اليوم عشان تاخد 3.4 جرام كرياتين و ده سبب ان مكمل الكرياتين مهم، لأن فيه حد عالجروب كان بيكلمني في النقطة دي قبل كده 😀


لما حد عامل دايت بيسألني على طريقة يبطل بيها تدخين في العادي بقوله أن لما يبطل وزنه هيزيد، لأنه هيضطر يستحمل حاجتين في نفس الوقت هما الرغبة في الأكل والرغبة في التدخين مع أعراض الانسحاب بتاعت النيكوتين واللي بتظهر للأغلبية (صداع – غثيان – قلق – صعوبة في التركيز – حدة الطبع).


عايزين نتكلم شوية عن الأسباب المحتملة لزيادة الوزن نتيجة محاولة التوقف عن التدخين، من ضمن الأسباب دي هو تأثير النيكوتين على زيادة معدل الحرق و تقليل الشهية زي مانا قولت فوق، واللي هيزود الشهية بشكل أكبر هو أن فيه حواس زي الشم والتذوق بترجع لطبيعتها تاني لما تبطل تدخين، و فيه سبب كمان وهو تغير الGut flora اللي وجودها مهم لاستخدام الطاقة من الأكل بكفاءة.


و دي المشاكل اللي هتحصل لو بطلت تدخين فجأة، و بالنسبة لأعراض الانسحاب فهي طبيعي تظهر و فيه دراسة لقت ان عدم الشعور بأعراض الانسحاب دي بيبقى من اعراض الإصابة بمرض باركنسون ( الشلل الرعاش واللي اتكلمت عنه لأول مرة في مقالي اللي كان مقدمة عن ادوية التخسيس لما قولت أن Bromocriptine من الأدوية المستخدمة في علاجه ).


المهم أن فيه طرق مختلفة عشان توقف تدخين منها اللي نجح واللي فشل، منها اللي تم تطبيقها واللي لسة بتتجرب زي مثلًا إنزيم اسمه NicA2 بيشتغل عن طريق بلع النيكوتين اللي في مجرى الدم و كان فعال على الفيران و لسة متطبقش عالإنسان و حاليًا شغالين عليه، مفيش داعي للشرح أكتر من كده بس انا حبيت أوضح بمثال.
من ضمن الطرق اللي بتنجح فيه لبان النيكوتين Nicotine gum و ده بيتباع في الصيدلية، الفكرة بتبقى في أن بعد ما الشخص يبطل تدخين المفروض يفضل مستمر على مصدر للنيكوتين لفترة لأن هي دي المادة اللي بتسبب إدمان، و يقلل جرعة النيكوتين تدريجيًا يعني 6 ملجم مثلًا وبعدين 4 وبعدين 2 وبعدها يبطل خالص.
مضغ لبان النيكوتين بيكون ليه طريقة محددة، أولًا لازم يبقى ببطء، وهتحس بطعم مر بيستمر لمدة دقيقة و في الدقيقة دي بتحط اللبان بين الخد واللثة، بعدها تكمل مضغ و تكرر العملية دي لمدة 30 دقيقة مع تجنب الأكل والشرب قبل و اثناء المضغ ب15 دقيقة، و المضغ بسرعة أو مضغ اكتر من واحدة من لبان النيكوتين في نفس الوقت هيسبب أعراض جانبية متعبة.


رغم أن الفترة الموصى بيها للطريقة دي للإقلاع عن التدخين هي 3 شهور، فيه تقرير بيقول أن 5-9% من الناس بتستمر عليها 6 شهور أو أكتر، و فيه ناس ممكن تفضل سنين تستعملها، و الدراسات دي مكانتش عالرياضيين تحديدًا فأعتقد الموضوع هيبقى مختلف من نواحي كتير منها الحافز.


بجانب استخدام النيكوتين للإقلاع عن التدخين فيه استخدامات تانية زي زيادة معدل الحرق و تقليل الجوع لفترات قصيرة بتوصل لساعتين و تحسين الأداء الرياضي، لكن الدراسات اللي على الأداء الرياضي قليلة و مفيش أدلة كفاية تخليني أنصح باستخدامه للغرض ده و حتى للتخسيس فيه الأفضل منه.
فيه دراسة لقت زيادة 13% في الحرق (النيكوتين المستخدم مكانش في صورة Gums ) والغريب أن الكلينبترول ممكن اصلًا تبقى نتيجته 10% لكن ال13% دي كانت عند الرجالة والغريب ان عند الستات الحرق مزادش غير 3.8%.


من الآخر انا مش بنصح بلبان النيكوتين غير للي هدفه يبطل تدخين بطريقة التدريج وبعدها تثبت على 1 ملجم نيكوتين مع الكافيين لحد ما تخس و توصل لنسبة الدهون اللي انت عايزها، و فيه شوية حاجات تانية تتعمل في المرحلة دي زي انك تاخد مكمل بروبيوتكس (كتبت عنه هنا ) عشان مشكلة الGut flora اللي بتقلل الحرق و تاني حاجة هي أن لما تحس برغبة في التدخين أو أي مصدر للنيكوتين اشرب حاجات زي البيبسي الدايت – القهوة والشاي والنيسكافيه بسكر دايت – Sugar free RedBull والرغبة دي هتروح على طول و دي طريقة متجربة و فعالة.


-ازاي نطبق الكلام ده عمليًا؟

بالنسبة للشخص الطبيعي السليم فيه طريقة أنا اللي عاملها وهي الCycling
بمعنى أن التريبتولين يتاخد فترة 6 أسابيع مثلًا و بعدها الجلوكوفاج في الأسبوع أو اسبوعين الDetrain اللي بعد كل 6 اسابيع تمرين عشان مشكلة الإغماء والتعب في التمرين اللي بتيجي منه وبعدها نرجع للتريبتولين وهكذا، عشان نتجنب المشاكل اللي التريبتولين ممكن يسببها في القلب.
وطبعًا متنساش زيادة كمية ڤيتامين B12 في فترات استخدام الجلوكوفاج.

  • References:
  • 1. The Ultimate Diet 2.0. Advanced Cyclical Dieting for Achieving Super Leanness by Lyle McDonald
  • 2. Baker JG. The selectivity of beta-adrenoceptor agonists at human beta1-, beta2- and beta3-adrenoceptors . Br J Pharmacol. (2010)
  • 3. Kamalakkannan G, et al. Clenbuterol increases lean muscle mass but not endurance in patients with chronic heart failure . J Heart Lung Transplant. (2008)
  • 4. Diepvens K Obesity and thermogenesis related to the consumption of caffeine, ephedrine, capsaicin, and green tea. Am J Physiol Regul Integr Comp Physiol. 2007 Jan;292(1):R77-85.
  • 5. “Clenbuterol,” Examine.com, published on 2 July 2013, last updated on 14 June 2018,
  • 6. Effects of taurine supplementation following eccentric exercise in young adults. DOI: 10.1139/apnm-2012-0229
  • 7. Murakami, S. (2014). Taurine and atherosclerosis. Amino Acids, 46(1), 73-80.
  • 8. Zhang, M., Bi, L. F., Fang, J. H., Su, X. L., Da, G. L., Kuwamori, T., & Kagamimori, S. (2003). Beneficial effects of taurine on serum lipids in overweight or obese non-diabetic subjects. Amino Acids, 26(3).
  • 9. Militante, J. D., & Lombardini, J. B. (2002). Treatment of hypertension with oral taurine: experimental and clinical studies. Amino Acids, 23(4), 381-393.
  • 10. Idrissi, A. E., Okeke, E., Yan, X., Sidime, F., & Neuwirth, L. S. (2013). Taurine Regulation of Blood Pressure and Vasoactivity. Advances in Experimental Medicine and Biology Taurine 8, 407-425.
  • 11. Seidl, R., Peyrl, A., Nicham, R., & Hauser, E. (2000). A taurine and caffeine-containing drink stimulates cognitive performance and well-being. Amino Acids, 19(3-4), 635-642.
  • 12. Zhang, M., Izumi, I., Kagamimori, S., Sokejima, S., Yamagami, T., Liu, Z., & Qi, B. (2004). Role of taurine supplementation to prevent exercise-induced oxidative stress in healthy young men. Amino Acids, 26(2), 203-207.
  • 13. Rutherford, J. A., Spriet, L. L., & Stellingwerff, T. (2010). The effect of acute taurine ingestion on endurance performance and metabolism in well-trained cyclists. International Journal of Sport Nutrition and Exercise Metabolism, 20(4), 322-329.
  • 14. Seidl, R., Peyrl, A., Nicham, R., & Hauser, E. (2000). A taurine and caffeine-containing drink stimulates cognitive performance and well-being. Amino Acids, 19(3-4), 635-642.
  • 15. Warburton, D. M., Bersellini, E., & Sweeney, E. (2001). An evaluation of a caffeinated taurine drink on mood, memory and information processing in healthy volunteers without caffeine abstinence. Psychopharmacology, 158(3), 322-328.
  • 16. Alford, C., Cox, H., & Wescott, R. (2001). The effects of red bull energy drink on human performance and mood. Amino Acids, 21(2), 139-150.
  • 17. Ahn, Chang Soon. “Effect of taurine supplementation on plasma homocysteine levels of the middle-aged Korean women.” Taurine 7. Springer New York, 2009. 415-422.
  • 18. Dawson, Jr, R., et al. “The cytoprotective role of taurine in exercise-induced muscle injury.” Amino acids 22.4 (2002): 309-324.
  • 19. Denadai, B. S., and M. L. D. R. Denadai. “Effects of caffeine on time to exhaustion in exercise performed below and above the anaerobic threshold.” Brazilian journal of medical and biological research 31.4 (1998): 581-585.
  • 20. Ganio, Matthew S., et al. “Effect of caffeine on sport-specific endurance performance: a systematic review.” The Journal of Strength & Conditioning Research 23.1 (2009): 315-324.
  • 21. Gentile, Christopher L., et al. “Experimental evidence for therapeutic potential of taurine in the treatment of nonalcoholic fatty liver disease.” American Journal of Physiology-Regulatory, Integrative and Comparative Physiology 301.6 (2011): R1710-R1722.
  • 22. Imae, Masato, Toshiki Asano, and Shigeru Murakami. “Potential role of taurine in the prevention of diabetes and metabolic syndrome.” Amino Acids 46.1 (2014): 81-88.
  • 23. Moloney, Michael A., et al. “Two weeks taurine supplementation reverses endothelial dysfunction in young male type 1 diabetics.” Diabetes and Vascular Disease Research 7.4 (2010): 300-310.
  • 24. Militante, Julius D., and John B. Lombardini. “Dietary taurine supplementation: hypolipidemic and antiatherogenic effects.” Nutrition Research 24.10 (2004): 787-801.
  • 25. Miyazaki, T., et al. “Optimal and effective oral dose of taurine to prolong exercise performance in rat.” Amino acids 27.3 (2004): 291-298.
  • 26. Murakami, S., and Y. Yamori. “Taurine and Longevity–Preventive Effect of Taurine on Metabolic Syndrome.” Bioactive Food as Dietary Interventions for the Aging Population (2013): 159.
  • 27. Silva, Luciano A., et al. “Taurine supplementation decreases oxidative stress in skeletal muscle after eccentric exercise.” Cell biochemistry and function 29.1 (2011): 43-49.
  • 28. da Silva, Luciano A., et al. “Effects of taurine supplementation following eccentric exercise in young adults.” Applied Physiology, Nutrition, and Metabolism 39.1 (2013): 101-104.
  • 29. Warnock, Rory, et al. “The Effects of Caffeine, Taurine or Caffeine-Taurine Co-Ingestion on Repeat-Sprint Cycling Performance and Physiological Responses.” International Journal of Sports Physiology and Performance (2017): 1-24.
  • 30. Zhang, M., et al. “Beneficial effects of taurine on serum lipids in overweight or obese non-diabetic subjects.” Amino acids 26.3 (2004): 267-271.
  • 31. “Serum taurine and risk of coronary heart disease: a prospective, nested case–control study”​ O.P. Wójcik, K.L. Koenig, A. Zeleniuch-Jacquotte, C. Pearte, M. Costa, Y. Chen
  • 32. https://www.mayoclinic.org/…/symptoms-causes/syc-20354308
  • 33. https://ods.od.nih.gov/fac…/VitaminB12-HealthProfessional/
  • 34. Gudat, U., G. Convent, and L. Heinemann. “Metformin and exercise: no additive effect on blood lactate levels in healthy volunteers.” Diabetic medicine 14.2 (1997): 138-142.
  • 35. Johnson, S. T., et al. “Acute effect of metformin on exercise capacity in active males.” Diabetes, Obesity and Metabolism 10.9 (2008): 747-754.
  • 36. Learsi, et al. “Metformin improves performance in high-intensity exercise, but not anaerobic capacity.” in healthy male subjects.” Clin Exp Pharmacol Physiol. 2015 Aug 7. doi: 10.1111/1440-1681.12474. [Epub ahead of print.
  • 37. https://bodyrecomposition.com/…/ampk-master-metabolic…/
  • 38. Dyreborg, Anders, et al. “Pharmacokinetics of oral and inhaled terbutaline after exercise in trained men.” Frontiers in pharmacology 7 (2016): 150.
  • 39. Jessen, S. , Onslev, J. , Lemminger, A. , Backer, V. , Bangsbo, J. and Hostrup, M. (2018), “Hypertrophic effect of inhaled beta2‐agonist with and without concurrent exercise training: a randomized controlled trial.” Scand J Med Sci Sports. Accepted Author Manuscript. doi:10.1111/sms.13221
  • 40. Hostrup, Morten, et al. “Chronic β2‐adrenoceptor agonist treatment alters muscle proteome and functional adaptations induced by high intensity training in young men.” The Journal of physiology 596.2 (2018): 231-252.
  • 41. https://www.compoundchem.com/…/the-chemicals-in…/
  • 42. Smoking Cessation Induces Profound Changes in the Composition of the Intestinal Microbiota in Humans. PLoS ONE، 2013; 8 (3): e59260 DOI:10.1371/journal.pone.0059260
  • 43. https://n.neurology.org/content/83/16/1396.short…
  • 44. https://www.medicaldaily.com/quit-smoking-and-reclaim…
  • 45. https://www.sciencealert.com/scientists-have-found-an…
  • 46. https://www.webmd.com/smok…/features/addicted-to-nicorette
  • 47. https://medlineplus.gov/druginfo/meds/a684056.html
شوف برضو
ما علاقة تقليل أو منع النشويات بالتخسيس؟